حالة متناقضة ومعنديش ثقة بالنفس

السلام عليكم ورحمة الله وبركاته

انا عندي 16 سنة وعندي فقدان للثقة بنفسي وللناس بس الناس مش اوي .. واحس اني مش عارفة نفسي مش عارفة شخصيتي بالظبط حتى مثلا لو بحلم حلم يقظة واتخيل نفسي بأي مكان مثلا اشوف وشي بلا ملامح .. ولما ابص في المراية احس اني تايهة في ملامحي .. ومبفتكرش شكلي بالظبط حالة غريبة شوية وبحس ان فيا تناقضات كتيرة في شخصيتي وبتغير بسهولة بس دايما بيكون للأحسن يعني لما اقتنع بفكرة كويسة فبغير من نفسي والحمد لله .. بس بحس عندي حالات غريبة شوية زي احس ان معنديش ادراك للي انا فيه يعني لما اكون قاعدة مع أي حد احس اني مش مدركة مش عارفة اوصفها ازاي وكمان في بعض الاشخاص لما يبصوا ليا في عنيا علطول بحس اني اتلخبطت سواء بنات او اولاد .. وتقريبا الشخصيات ديه بتجنب الحديث معاهم لأني اكره الناس الي تبصلي مباشرة + اني من النوع الي بتكسف جدا بس بحس ان فيا تناقضات كتيرة يعني انا اجتماعية وفي نفس الوقت لا وبتكسف وناس تقول عليا جريئة .. متلخبطة ونفسي اخذ الامور ببساطة .. وبحاول وكمان انا كنت دايما في اجازة اخر العام كنت بتعلم حاجة جديدة او اكتب قصة او استفيد بشكل عام وانا كاتبة مبتدئة وفي رواية فكرتها جاتلي من 3 سنين وظلت تتطور معايا وكل ما اكتبها امسح مكنش مقتنعة بكلامي وواجهتني مشاكل كتيرة في كتابة الرواية ديه حتى اني لغايت دلوقت مكتبتهاش وكمان لما دخلت تانية ثانوي اصلا كنت الاول عاوزة كلية ايه واحلامي ايه وكدا دلوقتي مش عارفة انا عاوزة ايه كأني فجأة نسيت احلامي ولما افتكر حاجة منها مأحسش اني بنفس الحماس انها تتحقق.. وبقالي تقريبا سنتين حالتي مش متظبطة واغلب الاوقات متضايقة ومش لاقية نفسي كدا وغريبة بشكل مش قادره اوصفه وآسفة لو كنت طولت عليكوا انا حاولت اختصر بالقدر الكافي واتمنى حد يساعدني باي استشاره

وشكرا ليكم جميعا