قصة ..توبتي

بسم الله الرحمن الرحيم انا كنت زي اي بنت بسمع اغاني لدرجة اني ادمنتها مكنتش اعرف اعيش من غيرها وكنت بتفرج على افلام ومسلسلات طبعا وكنت بلبس زي البنات الى ان لبسي كان يعتبر لبنات كتير انه محترم ومحترم قوي كمان كنت بلبس بنطلون جينز وفست وطرحة كبيرة بس مش قوي واتعلقت قوووووووي بالمسلسلات التركية لاني رومانسية جدددددددددددااا لدرجة ان تفكيري بقى ان اهم حاجة في الحياة الحب مع اني الحمد لله عمري ما جربت اعمل علاقة محرمة وبعدت عن ربنا قوي لحد ما جاءت اللحظة المناسبة وقابلت بنات كنت اول مرة في حياتي اشوف بنات مش بتتفرج على افلام ولا بتسمع اغاني واتكسفت من نفسي قوي قلت هي مش احسن مني في حاجة ومنها قررت اني اتغير وابقى انسانة تانية الحمد لله كرهت الاغاني والمسلسلات والافلام وكرت لبس البنطلون والحمد لله في وقتها اتقربت من الابلة اللى بتحفظني قران في المسجد قوي وبقينا نتكلم عن طاعة ربنا وفضلت واقفة جمبي والحمد لله لبسي ما بقاش غير عبايات سودة فقط ولبست الخمار مع ان اهلي كانو رافضين اللون الاسود بس الحمد لله بفضل ربنا وبفضل الابلة بتاعتي اللى ساعدتني ازاى اتعامل معاهم لحد ما رضيو بالواقع وبدات اجيب كتب للشيوخ واقراها واقرا قصص عن التوبة لحد الحمد لله ما التزمت وربنا وفقني وانا الان قربت اختم القران باقى لي سورة البقرة ادعو لي اختمها وعقبالكم يا رب لما تلتزمو زيي وتختمو القران بس انا دلوقتي قدامي مشكلة اني عايزة البس النقاب واهلي رافضين تماما وبيقولو لي ان سني صغير لاني عندى 14سنة بس انا عايزة البسه ادعو لي ربنا يوفقني والبسه اتمنى من كل الاخوات الالتزام وان ترسل قصة توبتها واللى لسه ما رجعتش لربنا ترجع له وتعرف ان باب التوبة مفتوح دائما واللى عندها اي استفسار تبعته لي وانا ان شاء الله هارد عليها واللى عايزة تعرف اسماء كتب او شيوخ او اى حاجة انا موجودة في اي وقت ويا رب الخير يعم في المسلمين ويرجعو ويتوبو الى خالقهم اتمنى التوفيق للجميع وربنا يوفق الكل ويعينا على طاعته