بسم الله
المقادير
======
خليط الكيك
------------
كوب الا ربع دقيق
ربع كوب كاكاو حام
رشه ملح
نص معلقه بيكنج بوردر
فانيليا
اربع بيضات كبيره مفصولين4
كوب سكر ناعم الحبيبات
ملحوظه === مفيش دهون ولا سمن ولا زبده ولا زيت
الحشو
-------
واحد كيس كريم شانتيه دريم ويب
الطريقه
=======
اولا نشعل الفرن
ننخل الدقيق مع الكاكاو الخام ورشه الملح والبيكنج بورد
ودى شكل الكوبايه المعيار بتاعى
انا صورتها علشان تعرفوا المقدار بالظبط يا قمرات
وعلشان سهل يكون كلنا عندنا نفس المعيار ده
علشان كلمه كوبايه بتشتتنا فكده بقيت معروفه
انا هنا وضعت كوب الا ربع دقيق وكملته بالكاكاو الخام وعليه البيكينج بودر
نضع قطعه من ورق زبده فى صينيه مستطليه مدهونه بالسمن او الزبد
بعدين نخفق بياض البيض لوحده فى وعاء منفصل حتى يصبح هش بالشكل ده
فى وعاء اخر نخفق صفار البيض والسكر والفانيليا
( نفس كوباية الدقيق نعاير بيها السكر )
نضيف الدقيق والبيكنج بوردر ورشه الملح والكاكاو الخام المنخولين
مع صفار البيض السابق خفقه
ونقلب بمعلقه بالراحه او نخفقه براحه على سرعه بسيطه لمده ثوانى
وهيكون تقيل معانا شويه بسيطه
وبعدين نضيف الخليط على بياض البيض بالراحه
ونقلب براحه لحد ما يتجانس كله كويس
وبعدين نضعه فى الصينيه وندخله الفرن
حوالى ربع ساعه اقل شويه او اكتر شويه
على حسب فرنك يا قمره ودرجه حراره عاليه
وبعد ما يخرج من الفرن نقلبه على ورقه زبده اخرى كده
ونلف السويسرول كده
وبعد لفه نضعه جوه كيس او ممكن استبدال الكيس بفوطه مبوله
بيدى نفس النتيجه ونلفه كده
علشان يفضل طرى ونسيبه لحد ما يبرد وممكن نضعه فى التلاجه حتى يبرد
فى الوقت ده نخفق الكريم شانتيه
وطبعا نحضره بالطريقه المكتوبه على الكيس
وبعد ما يبرد السويسرول نشيل ورق الزبده اللى من جوه بالراحه
و نفرد الكريم شانتيه
المفروض الكريم شانتيه يكون اكتر شويه
بس انا مش كان عندى غير كيس واحد كريم ويب
ونلفه تانى بالراحه بحيث يكون متساوى مع الضغط البسيط جدا بالشكل ده
ونضعه بداخل ورق الفويل لحد ما يبرد بالشكل ده
ونخرجه لما يبرد هيكون متماسك كده بالشكل ده
ونقطعه وممكن تزينه بطريقه بسيطه جدا بالسكر البودره كده
وده شكل السويسرول النهائى
ودى كمان والله يا بنات جميل جدا ومتماسك
بصوا ازاى
ودى بقى للتعذيب ههههههههههههههههههههه
بسسسسسسسسسسس
أنا كده خلصت
أيه رأيكوا بقى يا فتوكات يا قمرات
وزى كل مره
هقووووووووووووول
أولا -- يا رب تكون الوصفه عجبتكوا
ثانيا -- يا رب أكون قدرت أفيد يا رب
ثالثا -- التقيييييييييم التقيييييييييييم
ولم اتنازل عن التقيييييييييييييم
هههههههههههههههههههههه
موضوع: سويسرول الشيكولاتة 
الثلاثاء 13 سبتمبر 2011, 2:17 am