كفتة داود باشا

كفتة داود باشا
عملت انهرده على الغدا كفتة داود باشا بطريقة الشيف شربينى بس بجد انا مش مصدقة انها طلعت بالروعة دى
شوفوا يا فتوكات
المقادير: نصف كيلو لحمة مفرومة - بصلة مبشورة - 3فصوص ثوم - ملح وفلفل وكمون وشطة حمرا-
دقيق - زيت-نصف كيلو طماطم - فلفل أخضر(اختيارى)
الطريقة: 1- اخلطى اللحمة مع البصلة المبشورة مع الملح والفلفل وكوريها اد الليمونة الصغيرة.
2- حطى كور اللحمة فى الدقيق وحمريها فى الزيت.
3-بعد التحمير وفى نفس الطاسة (ويفضل تعمليها فى حلة من الاول وطبعا هايكون افضل)
حمرى الثوم المفروم طبعا فى نفس الزيت (بس فى نص الزيت او اقل)
4- لما الثوم يصفر حطى عليه عصير الطماطم (أو صلصة)وطبعا تحطى ملح وفلفل وكمون
5- لما تغلى حطى كرات اللحم المتحمرة فى الصلصة وانا حطيت كمان فلفل اخضر متقطع شرائح ادالها طعم حلو
6- وسيبيها لغاية ما اللحمة تستوى والطماطم تتسبك