بتنجان بالكفتة

نيجى للطريقة بقى :


1-جاب بتنجان رومى وقطعه طرنشات بالعرض يعنى دواير
ودهنه خفيف بالزيت وشواه بالشوايه لحد ما استوى تلتين سوا
والشوايه عملت علامات فيه.
2-بعدين جاب لحمة مفرومة وضاف ليها بصل مفروم وشوية بهارات
وطبعا تتبليها انتى على كيفك
وبعدين عملها اقراص زى البرجروقلاها فى زيت خفيف.
3- وجاب بصل شرايح شوحه فى زيت وبعدين اضاف ليه شوية توم مفروم
على شوية طماطم مكعبات وتبله بالملح والبهارات (اللى على مزاجك بقى)
وسابهم ع النار لحد اما دبلو شوية.
4-عمل صوص البيستو (ريحان+توم+جبنه بارمزان+صنوبر+ زيت زيتون)بس انا صراحة كان عندى الصوص جاهز
لكن هو سهل جدا وممكن تبدلى البارميزان بالرومى وتكملى الفيلم عاااادى.


التطبيق بقى :


فى صينية فرن حط دايرة بتنجان وعليها بصل مشوح وبعدين واحدة كفته
وبعدين معلقة صوص البيستو وع الوش طرانش جبنه موتزارللا


ودخلها الفرن
7
7
7
7
7
والله العظيم ريحتها تحفة وشكلها حكاية وطعمها جنان


والجبنة سايحة عليها والوانها اللى تهبل


بجد صنف جديد وشيك قوى