احلى تومية

احلى توميه من عند اسامه اطيب لفتكات عدل
السلام عليكم
انا النهارده جبتلكم طريقه عمل التوميه الصحيحه من الشيف اسامه السيد وطبعا غنى عن التعريف نبدا باسم الله
المكونات
3 بياض بيض
ملح
عصير ليمونه
2 فص توم وسط
1 كوب زيت عادى مش زيتون علشان الزيتون هيغير طعمها جدا
الطريقه
هتجيبى المضرب الكهربى او الخلاط بس الاحسن الخلاط
وتحطى يا ستى البياض وعليه الملح واليمون وفص التوم وشغلى الخلاط على اعلى سرعه واول ما يعمل الرغاوى انزلى بالزيت بس خيط رفيع اوى مش تحطيه كله مره واحده وبس كده
انا عملتها النهارده وبابا واخواتى بيحسبونى جبتها من بره مكنوش يعرفوا ان عندهم عقليه معمليه فذه
بس اللى يجربها يا ريت يقول علشان عايزة اعرف النتايج ومتنسوش التقيم يا قمرات
على فكره انا بثق جدا فى وصفات اسامه السيد وكمان بلاش حكايه البطاطس المسلوقه علشان طعمهافبلاش ندخلها فى الوصفه [i]