تعالو نعمل احلى خير في رمضان

السلام عليكم ورحمه الله وبركاته
كل سنه وانتم طيبين
رمضان كريم وبيحلى فيه اعمال الخير
اكتر من اى وقت اخر
انا زرت دار ايتام ودى كانت اول تجربه ليه
وبجد قلبى اتقطع على الاطفال اللى الابتسامه
غايبه عنهم
رمضان قرب مفيش حد يجيب لهم فانوس رمضان
ولا حد يجيب لهم لبس العيد
تخيلو حتى اللحمه مش بياكلوها الا كل فتره
بجد محرومين بمعنى الكلمهصعبان عليه
حتى كلمه بابا وماما محرومين منها
اى طفل بيحب يخرج ويتفسح مع اهله
وهما ملهومش اهل
الفرحه عندهم لما بيشوفو حد داخل
عليهم بلبس جديد باكله حلوه
بلعبه جميله
وده بايدينا
طب اذاىلا ادري
انا كنت عامله موضوع عن جمعيه الخير
ودى عباره عن انك تلمى من اهلك واصحابك
وجيرانك مبلغ مثلا 10 جنيه ولو اكتر ياريت بس حسب المقدره وده
كل شهر تشترى بيهم مصاحف للجوامع
كصدقه جاريه او تساعدى محتاج وتكون
شئ اساسى فى حياتك
وحتى لو المبلغ صغير متستهونيش
النوايا تسد الزير
قولت الايام المفترجه دى وداخل علينا عيد
نحول النشاط شويه لدار الايتام
ما هما برضه محتاجين ولما تدفعى المبلغ
اللى حتلميه كل شهر فيه ده برضه صدقه
بس احنا الايام دى حنعمل حاجه تانيه
*حنروح اقرب دار ايتام وناخد مقاس طفل او اتنين
على حسب الاستطاعه ونجيب لهم لبس العيد
ومش شرط تجيبى من اغلى الملابس
ده لو حاجه بسيطه حتشوفى بنفسك الفرحه
الكبييره فى عنيه
*وكمان فى ايام رمضان ممكن تعملى 3صوانى كنافه مثلا
او اى اكله حلوه من عندك وتوديها للدار
ياااااااااااااااسلام بجد احساس مختلف انك تشوفى البسمه الجميله
فى عيون طفل محروم
بجد انا قولت لازم اقدم اى عمل خير ممكن متكونيش واخده بالك منه
لانى بحبكم فى الله واتمنى تنالو الاجر والثواب
وجعله الله فى ميزان حسناتكم
وفى النهايه اتمنى الموضوع يعجبكم ومنتظره دعوه حلوه بهدايه زوجى واولادى
وكل سنه وانتم طيبين